所謂工欲善其事，必先利其器，你嘅件要setup物聯網，「網絡」嘅設定又點可以馬馬虎虎？你係咪仲係每次都瘋狂撳下一頁/自動，根本無好好睇清楚你嘅設定係啱唔啱。不如我地花少少時間一勞永逸，以後都可以知道多低你嘅網絡係空氣漫遊途中發生左咩事？嚟，我哋就嚟深入探討下點樣整好 Wi-Fi，同埋一齊搞清楚啲common mistake，確保你嘅數碼天地充滿活力！

謬誤一：智能家居要靠互聯網

Matter是一種新嘅智能家居標準，其目的係促進不同製造商生產嘅智能家居設備之間嘅互通性。即使Matter設備可以透過互聯網進行遠程控制，但其中一個重要特色係佢地支援本地控制技術。表示即使你嘅手機或其他控制設備無連接到互聯網，你仍然可以喺家庭網絡範圍內控制呢啲Matter設備。

當我地話Matter係Local技術時，意味著佢允許設備透過家庭的局域網絡（或者有啲稱為區域網）例子正正係透過Wi-Fi或者藍牙直接溝通，而唔係依賴互聯網的連接。咁樣做有幾個好處：

1. 快速響應：本地控制可以減少命令從發送到執行所需的時間，因為數據不需要經過互聯網，而是在本地網絡內部直接傳輸。

2. 穩定性：即使互聯網連接出現問題，本地控制仍然可以運作，這意味著你的智能家居設備在網絡中斷時仍然可用。

3. 安全性：本地控制可能更安全，因為控制命令不需要離開你的家庭網絡，從而降低了被攔截的機會。

4. 私隱度：由於數據傳輸在本地完成，因此用戶的數據不必經過外部服務器，降低了數據外洩的風險。

總而言之，即使沒有網絡線連接，你的手機或其他控制設備仍然可以透過家庭Wi-Fi網絡與Matter設備溝通，進行本地控制。這賦予了用戶更多的控制選項，並確保了即使在沒有互聯網的情況下也能保持智能家居系統的運作。

講到聯網，雖然雲端嘅好處唔少，不過當能夠本地連接嘅時候，速度快而且穩定，就算網絡有咩突然打柴都唔怕。Matter為例就係採用Local技術，哪怕網絡癱瘓咗，你嘅智能燈都可以即刻呼應到！ — 呢就係本地連接嘅魅力。

 

謬誤二：智能家居應該使用獨立網絡

心水清嘅朋友應該會即刻問，獨立網絡即係咩網絡先？你又清唔清楚你屋企網絡嘅分流同頻道呢？

在香港，部分網絡服務供應商提供額外的家庭網絡服務，好似係喺一個數據機（Modem）上設置兩條獨立嘅1000MB寬頻線路，例如WAN1同WAN4。不過，呢種做法其實並唔係必須嘅，實際對日常使用嘅影響比想像中嚟得小（並唔會真係得到兩倍嘅網速）。

諗落，好多人可能會認為，將物聯網（IoT）設備與一般使用嘅Wi-Fi網絡分開，可以提供更穩定同安全嘅連接。但係，事實上，5GHz同2.4GHz頻段已經足以滿足大部分智能家居設備嘅需求。物聯網設備大多數使用2.4GHz或以下頻段，因為佢嘅覆蓋範圍更廣同穿透力更強。而手提電話同電腦等設備則多數利用5GHz頻段，因為佢可以提供更快嘅傳輸速度。反而你由Modem層面已經將物聯網（IoT）配件分開，咁做只有一個後果：就係你用開平時嘅網絡，你就搵唔到你屋企嘅配件，因為意義上，Modem嘅兩個寬頻線路其實等同兩個唔同屋企嘅Wifi網絡，意義上就應該係唔能夠相通。

唔緊要，可能我真係有必要將佢地好好咁管理呢？實際上，唔同Ghz嘅分流係由路由器（Router）負責提供三頻（Tri-band）或雙頻（Dual-band）服務，一個來自網絡服務供應商嘅網絡就已經足夠。三頻路由器可以同時提供兩個5GHz頻段，更好地分配高流量設備嘅網絡需求，而無需額外嘅網絡支援。換句話講，一個家庭只需要一個由服務供應商提供嘅網絡線路，然後透過一部多頻段路由器，就可以合理分配各種設備嘅網絡資源，從而提供穩定同有效率嘅智能家居體驗。

謬誤三：智能配件大幅干擾上網速度

智能家居配件真係會顯著影響上網速度嗎？這個問題一直都係咁多人關注嘅話題。首先，我哋要了解 Wi-Fi 頻段 - 2.4GHz 同 5GHz，甚至最新技術嘅 6GHz。2.4GHz 頻段覆蓋範圍廣，穿透力強，而 5GHz 頻段則提供更快嘅網速同更少嘅干擾。對於追求快速上網體驗嘅用戶嚟講，通常會選擇使用 5GHz。而最新嘅 6GHz 頻段，更加可以減少擁堵，提供更加高效嘅無線連接。

（P.S. 5GHz同你手機右上角見到嘅5G 4G係完全唔同，只係咁啱都係5字，手機網絡供應商嘅4G，5G係代表4th Generation同5th Generation...而2.4GHz同5GHz兩者其實並唔存在邊個一定優勝邊個，佢地一個穿透力強，一個速度快，唔一定5Ghz就係好架！）

智能家居裝置嘅數據使用量通常相比下載大型文件或高清視頻串流嚟講，可以話係微不足道。例如，智能燈泡喺連接同響應指令時用嘅數據量極少（一個典型嘅智能燈泡或開關可能用少於 1 Mbps）；智能窗簾嘅控制訊號同樣佔用唔多帶寬。然而，智能攝影機喺連續錄影時就可能會用多啲數據，尤其係高清視頻，但講緊嘅其實係高清攝錄幾用緊嘅係5Mbps。

對於一個標準嘅智能家居系統來講，上網速度嘅需求並唔高。不過，究竟需要幾快嘅網速就要視乎你屋企有幾多智能裝置同埋佢哋嘅使用模式。以下係一啲基本嘅指引：

1. 基本智能家居設備（例如智能燈泡、智能插座、溫度感應器等）通常每個裝置嘅帶寬需求非常低，可能只需要每秒幾百Kbps（千比特）。

2. 高階裝置，如智能攝像頭或者需要串流嘅媒體設備，就需要更高嘅帶寬。一部高清智能攝影機可能需要每秒 1-2 Mbps 嘅速度，4K相機嘅需求會更高。

3. 同時使用：如果你屋企有多部設備會同時活躍，例如同時用幾部智能攝影機做24小時監控，就需要將每部攝影機嘅帶寬需求相加。

綜合以上因素，以下係一啲推薦嘅預留比物聯網嘅網速設定：

• 基本設置：如果你只有幾個基本裝置，10 Mbps 寬頻連接通常已經足夠。
• 中等家庭：如果加埋智能攝影機同其他中等帶寬需求嘅裝置，可能需要 25-50 Mbps 嘅連接。
• 大量裝置或高端用戶：如果你要連接多部高清攝影機，或者其他高帶寬裝置，例如智能電視同遊戲機，可能需要 100 Mbps 或以上嘅連接。

而家，一般嘅Router/Switch/電腦嘅LAN端口，1000Mbps嘅配套已經係十分基本，小篇為例用高階一格嘅Mac Studio（M2 Max），配備嘅端口已經同Thunderbolt一樣去到10Gbps傳輸速度，我唔能夠話智能家居唔影響網速，但基於佢地同你用緊嘅頻道多數唔同（2.4Ghz vs 5Ghz），而且實際用量都相對唔大，因此，其實智能配件對網絡速度影響好有限。

當然，以上嘅數據只係一個大概嘅指引。實際上，最好嘅做法係監測你屋企網絡嘅使用情況，睇下喺高峰時段有無出現速度下降嘅情況。如果發現網速慢或者訊號不穩定，就可能需要升級你嘅網絡計劃。此外，一個穩定同可靠嘅Wi-Fi路由器，能夠有效管理網絡流量同分配帶寬，對保持智能家居系統嘅最佳運作非常重要。 路由器三頻/兩頻點樣簡？

一部靠得住嘅三頻Gigabit路由器就足以讓你有個無憂嘅起步，budget多少少嘅小篇首推Linksys任何型號嘅Tri-band路由器，容易安裝，而且設定介面十分簡潔（如果係智能管家嘅客戶亦歡迎向我地客服團隊請求幫手Setup）。如果你睇緊嘅路由器寫我啲類似802XXX嘅嘢，咁你可以揀啲至少支持802.11ac/802.11n （5GHz 頻道），同埋 802.11b/g/n （2.4GHz 頻道）嘅就無咩大問題。市面上有啲聲稱專為智能家居設計嘅網狀路由器，其實原理同一般路由器做到嘅無大分別，睇落可似好專業，但實際一般家用係無乜必要嘅。

智能家居嘅三頻/兩頻路由器最佳應用

雙頻同三頻嘅區別？嚟講吓 — 雙頻就好似有兩條高速公路：一條 2.4GHz 專門畀啲要範圍嘅智能家居小玩意，另一條 5GHz 就畀啲需要大流量嘅遊戲機。而三頻就加多咗第二條 5GHz 道，更加平均分配。以下係小篇認為智能家居嘅最佳設定，小篇同老闆嘅網絡設定（三頻）都係以下咁樣架：

三頻路由器

Band	頻率	標準	SSID/命名	Channel Width	Devices
1	2.4GHz	802.11b/g/n	HomeWiFi*	20MHz	智能配件/設備
2	5GHz	802.11a/n/ac	HomeWiFi*	80MHz	手機，平板， 一般影片串流
3	5GHz	802.11a/n	HomeWiFi-5G	40MHz	工作台電腦, 4K多媒體串流

*Band1及Band2同一組名+密碼，Band3獨立名+密碼

• 2.4GHz頻段使用20MHz頻道以獲得兼容性和減少干擾
• 主5GHz頻段使用80MHz頻道以獲得最大速度
• 次要5GHz頻段使用40MHz頻道以供其他高頻寬設備使用
• 2.4GHz和主5GHz上使用相同的“HomeWiFi”SSID進行帶內漫游
• 次要5GHz SSID“HomeWiFi-5G”以防擁堵
• 所有頻段WPA2加密(未顯示)

雙頻路由器

 

Band	頻率	標準	SSID/命名	Channel Width	Devices
1	2.4GHz	802.11b/g/n	HomeWiFi*	20MHz	智能配件/設備
2	5GHz	802.11a/n/ac	HomeWiFi-5G	80MHz	手機，平板， 電腦, 多媒體串流

*建議分拆Wifi不合拼

如果你係一個Pro User，想係一般使用想有更加極致嘅體驗，可以參後下以下設定mark咗專業嘅功能，如果唔清楚係咩嚟，就唔好自己亂咁調整：

• 有線優先： 能用網線嘅設備就優先用，減少 Wi-Fi 擠塞，連線更穩定。
• 攝影機專線： 監控設備就用網線，唔好佔用無線頻道。
• IoT 分區： 喺自己嘅網絡片段留一塊場畀 IoT 設備。
• 訪客網絡： 巧秒咁用訪客功能，給智能小玩意嘅專屬 Wi-Fi 通道。
• 調節功率（專業）： 調校下功率，避免設備之間互相干擾。
• 智選頻道 （專業）： 自動選擇最清靜嘅頻道，或好好分配頻道利用。
• 技術三寶 （專業）： 開啟 MU-MIMO、波束成型、帶寬引導 — 你嘅路由器嘅秘密武器！

以上就係一啲基本嘅Setup必知
更多Wifi嘅專業知識可以睇下呢個網址（Linksys介紹）

Extra: Wifi 7淺談

新的Wi-Fi 7標准。 它承諾瘋狂的10Gbps+速度和超低的1ms延遲。 但其實- 對於大多數家庭來說,Wi-Fi 6的速度已經足夠快了，而且你嘅網絡供應商亦都要先開通足夠速度俾你，截止今日，係市面上見到可以簡易俾錢用到嘅，最頂尖到只係去到2500Mbps，即～2Gbps，而且仲要幾貴下，10Gbps家用可以話係甚少用到。 除非你有一些非常苛刻的需求,否則Wi-Fi 7就超出你的需要了。 一啲尖端科技,如8K視頻串流或VR遊戲設置，對於普通用戶來說,Wi-Fi 6已經達到最佳平衡點。 而在首次發布到而家,Wi-Fi 7的價格係每個配備上非常高昂! 淨係一個Router到要幾千蚊一台，足以購買3部最新嘅Wifi-6 Linksys Velop路由器，夠覆蓋3層每層3000尺有突。 如果你真係想要, 建議你睇定啲，過多陣等更多供應商入場降價，同各過配備都相應成熟後再諗。 在早期採用者試水後,它的價格應該都會變得更加親民。

-

Written by Vita Lam
Copyright © 2024 MatterUs All Rights Reserved